الاخوة الاعزاء المدونين والقراء سلام الله عليكم ورحمة الله وبركاتة
فى البداية اعرفكم بنفسى فانا شاب مصرى معذب وان لم اكن مبالغ فى كلامى فانا ايوب زمانى فارجو ان يتسع لى صدركم ويلهمكم رب العباد الصبر على قراءة مدوناتى الشائكة المليئة بالحزن والاسى وفى نفس الوقت الغيرة علينا نحن كشعوب عربية ورفض الظلم والاستبداد فلنتحد فى مواجهة الظلم والاستبداد
اخـــــــــــــــــــــــــــــــــــــــــــــــــــــــــــــى اينما تكن ومهما كان اسم بلدك فانت فى النهاية عربى مظلوم مهضوم حقك من حكام بلدك فلماذا السكوت
وسوف اضع لك بعض الامثلة التى تجعلك تقارن بين الصح والخطأ عفوا انا لست اذكى منك ولكننى جربت مرارة الظلم وانظر حولى ارى الدنيا مظلمة هذا ليس اكتئاب ولكنة الواقع المرير فانا تربيت فى اسرة من اقصا صعيد مصر المهضوم حقة دائما توفى الوالد وانا فى العاشرة من عمرى كنت يوميا اتجرع الظلم فى كاس من اقرب الناس لى اعمامى وجدى وصبرت وكافحت وسط هذه الظروف القاسية وتعلمت وحصلت على مؤهل عالى ولم يسعفنى الحظ فى التقدير فحصلت على التقدير الشعبى كما يقولون مقبول اتعلم يا اخى لماذا لانه ما فيش عندى وقت للمذاكرة فانا لابد ان اعمل من اجل مصاريف اسرتى المكونة من الام وثلاث صبيان وبنت زوجت اختى وتخرجت من الكلية اى بمعنى رضيت ضميرى امام الله ورسولة وقمت بالواجب المفروض عليا وفى نفس الوقت اعمامى يتمتعون بكل ما لذ وطاب هم واولادهم بما فيهم ميراث والدى بعد وفاة جدى الذى بدورة ترك لنا وصمة ظلم لم ولن اسامحة عليها ابدا فقد قام بكتابة بعض ممتلكاتة للاولادة تحايل على الشرع لحرماننا من شرع الله الذى شرعة لنا فى الميراث المهم حتى لا اطيل عليكم تعلمت صنعة فى طائفة المعمار اقتات اشتغلت فى القاهرة الوادى الجديد الغردقة مرسى مطروح كفر الشيخ سوهاج كل المحافظات دى اشتغلت فيها وسافرت الى ليبيا امضيت بها عام كامل طبعا عملت مبلغ لا يستهان بةه دفعتة فى فيزا وسافرت الكويت ويا ليتنى ما سافرت ضاعت تحويشة العمر وابحث هنا لا اعلم ماذا اقول لك المهم الحمد لله على كل شئ
ونسمع بقا يوميا فى الفضائيات على البلاوى فى مصر واحد باع كليتة عشان يلاقى قرشين يعيش منهم واحد بيبيع فى اولادة عشان غلو الاسعار والمصايب السودة سيادة الريس زود رواتب الموظفين ورفع سعر المواد البترولية وبالتالى السواقين زودو الاجرة يعنى دلوقتى فمصر يوميا دا لو انت ما بتصرفش خالص عاوزلك عشرين جنية طب منين انا عمرى تلاتين سنة وما اتجوزتش ولا شكلى حتجوز فالظروف دى الريس بيبنى شقق للوسايط ههههههههه اسف قصدى للشباب بس لازم يكون لية دخل ثابت طب منين تعليم واتعلمنا وظايف ما فيش
اة على فكرة رحت لواحد الله يذكرة بالخير واصل فالبلد عشان يتواسطلى اتعين لقيت عندة تسعيرة اة والله الوظايف فى الكهرباء 150000 فى الضرايب 100000 فى العدل 90000 الوظايف التانية تتراوح ما بين سبعين وثمانون الف والله والله عامل الزبالة فى المحليات 15000 الف ههههههههههه طيب ازى اعمل اية بالذمة مش دا حرام يبقا الوحيد الواخد حقة فمصر الحرامى والنصاب والبلطجى وطبعا السادة الوزرا ربنا يخلى بنوك سويسرا كان عجبنى المذيع فى قناة المحور برنامج تسعين دقيقة معتز الدمرداش بس فالايام الاخيرة كش ملك الظاهر اتقرس من ودانة كل ما واحد يتكلم يتخرس لمثال ايمن نور يا عينى والله يا اخوانى انا ما عارف اعمل اية
الشعب الفلسطينى مشرد مش لاقى ياكل وعباس جايب جزمة تمنها عشرين الف يورو زى بوش ومش عارف مين تلاتة فالعالم لابسينها غيرة بالذمة حق الجزمة كان عيش كام اسرة انا لله وانا الية راجعون
وبقول للسيد الرئيس محمد حسنى مبارك رحمة بنا نحن الشعب المطحون انزل الشارع المصرى شوف الناس حالتها ازاى دا عمر ابن الخطاب بيقول والله لو عثرت بغلة فالعراق لسؤل عنها عمر
يسئل عن بغلة لماذا لم يمهد لها الطريق وانت سوف تسئل عن ماذ قانون الطوارئ ولا قانون مكافحة الارهاب ولا على ثروتك ولا ثروة ابنك علاء اللى اشترى نص مصر وناوى طبعا يشغل الشعب عبيد زمن الرقيق انتها اصحا وفوق شوف انت وديتنا فين حسبى اللة ونعم الوكيل فين ايمن نور يا ريس اتجنن لما رشح نفسة قدامك طلعت السادات يا دوبك امن الدولة شغالة لية هو بس كل ما يطلع على التليفزيون يقول كلمتين يتقبض علية هههههههه انا عندى حل ما تعملوة مجنون التانى وتخلصو منة يا ناس حرام عليكم خلونا نتنفس
واخيرا اخوتى الاعزاء اقول
سلام الله عليكم ورحمتة وبركاتة وفى انتظار ردودكم واقترحاتكم ولنجعل النت المتنفس الوحيد لنا فى قول الحق نلحق نفسنا قبل ما يصدر طبعا قانون مراقبة النت الحقو نفسيكم وبارك الله فيكم
السلام عليكم
اخوكم
المعذب
